सागवानाच्या झाडाला गळफास घेऊन आत्महत्या
ब्रम्हपुरी (तोरगाव) : शुक्रवार, 23 फेब्रुवारी रोजी सकाळी 9 वाजेच्या सुमारास एका व्यक्तीने सागवानाच्या झाडाला गळफास घेऊन आत्महत्या केल्याची घटना ब्रम्हपुरी तालुक्यातील तोरगाव येथे उघडकीस आली. राजेश्वर तुकाराम दुपारे (वय 55 वर्षे) रा. तोरगाव खुर्द असे मृताचे नाव आहे. 22 फेब्रुवारी रोजी सकाळी 8 वाजण्याच्या सुमारास नागपूरला जात असल्याचे सांगून मोटारसायकल वरून हा व्यक्ती घरून निघाला होता.
हेही वाचा:- चंद्रपूर: खर्रा खाल्ल्याने बेंबाळ येथील युवकाचा मृत्यू ?
त्यानंतर सायंकाळपर्यंत तो घरी न परतल्याने कुटुंबीयांनी त्याचा शोध घेतला. 23 फेब्रुवारी रोजी सकाळी 9 वाजण्याच्या सुमारास तोरगाव (बुर्ज ) येथून मौसी कडे जाणाऱ्या रस्त्याच्या कडेला त्यांची मोटारसायकल दिसली आणि मयत सागाच्या झाडाच्या फांदीला लटकलेल्या अवस्थेत आढळून आले. पोलिसांनी गुन्हा दाखल केला आहे. घटनेचा पुढील तपास ब्रम्हपुरी पोलीस ठाण्याचे पो.नि. अनिल इतवार यांच्या मार्गदर्शनाखाली ब्रम्हपुरी पोलीस करत आहेत.