गडचिरोली: सध्या कोव्हिड-१९ चे रुग्ण जिल्हयात वाढत असल्याने सदर साथरोगावर प्रादुर्भाव व रोखयाम नियंत्रित करण्यास्तव सर्व शासकीय / निमशासकीय व खाजगी व औद्योगिक आस्थापनांमध्ये तसेच सर्व सार्वजनिक संस्थामध्ये मास्कचा वापर बंधनकारक करण्यात आले आहे. कोव्हिड १९ लाटेची द्विरुक्ती टाळण्यासाठी गडचिरोली जिल्हयातील सर्व शासकीय/निमशासकीय व खाजगी व औद्योगीक आस्थापनांमध्ये तसेच सार्वजनिक स्थळी बिना मास्क नागरीक/व्यक्ती आढळल्यास /नियमाचे कसूर केल्याचे निदर्शनास आल्यास संबंधितास जबाबदार धरून दंड रु. ५०० वसूल करण्याची कारवाई करण्यात यावी. असे आदेश जिल्हाधिकारी तथा जिल्हा आपत्ती व्यवस्थापन यांनी जारी केले आहे.
गडचिरोली जिल्ह्यात कोरोना वाढतोय:
गडचिरोली : आज गडचिरोली जिल्हयात 459 कोरोना तपासण्यांपैकी नवीन कोरोना बाधितांची संख्या 04 असून कोरोनामुक्ताची संख्या निरंक आहे. जिल्हयातील आत्तापर्यंत बाधित 37451 पैकी कोरोनामुक्त झालेली संख्या 36661 आहे. तसेच सक्रिय कोरोनाबाधितांची संख्या 17 झाली आहे. आत्तापर्यंत जिल्हयात एकुण 773 जणांचा मृत्यू कोरोनामुळे झाल्याची नोंद आहे. जिल्हयातील कोरोना रूग्ण बरे होण्याचे प्रमाण 97.89 टक्के, सक्रिय रूग्णांचे प्रमाण 0.05 टक्के तर मृत्यू दर 2.06 टक्के झाला आहे. आज नविन बाधितामध्ये अहेरी तालुक्यातील 01, भामरागड तालुक्यातील 02, एटापल्ली तालुक्यातील 01जणाचा समावेश आहे.
IST - 6/14/22 9:00 PM