बिलोली | पोलिसांनी केला तौफिक बाबाचा भांडाफोड
नांदेड ( Nanded ) : बिलोली (Biloli) तालुक्यातील कासराळी येथील दस्तगीर दर्ग्यावर तौफिक बाबाकडे दैनंदिन स्वरूपाच्या समस्या किंवा आजारावरील उपचारासाठी स्थानिक व आजूबाजूचे लोक जातात. त्यासाठी तो २५१, ५०१, १००१ रुपये घेतले जातात. समस्या घेऊन गेलेल्या लोकांना तुमची समस्या किंवा आजार जादुटोना किंवा करणीमुळे निर्माण झाली आहे, असे सांगत असल्यामुळे गावात भीतीचे वातावरण निर्माण झाले. पाच पन्नास लोक गोळा करून अंगात दैवी शक्ती असल्याचा भास तो निर्माण करतो.
हे देखील वाचा:
｜आत्महत्या | घुंगशी बॅरेज प्रकल्पात मायलेकीचा बुडून मृत्यू
२८ जानेवारीला ईरन्ना बोरोड याचा पाय दुखत असल्यामुळे उपचारासाठी ते तौफिक बाबाकडे गेला. त्याने आपल्या पायाच्या त्रासाबद्दल सांगितले. तौफिक बाबांने अंगात आल्याचे भासवून “तुमचा त्रास दवाखान्यातल्या नसून रूक्मीनबाई बोरोड यांनी तुमच्यावर मंत्राने करणी, जादूटोणा केल्यामुळे तुम्हाला हा त्रास होत असल्याचे सांगितले. नाव सांगितल्यामुळे रूक्मीनबाई कडे लोक संशयाने बघायला लागले. त्यांच्याशी वादावादी-भांडण करू लागले. त्यामुळे, याबाबत अंधश्रद्धा निर्मूलन समिती नांदेडकडे तक्रार दिली.
हे देखील वाचा:
｜यवतमाळ | शासकीय नर्सिंग महाविद्यालयाच्या विद्यार्थिनीचा मृत्यू; वॉर्डनने दुर्लक्ष केल्याचा आरोप
अंधश्रद्धा निर्मूलन समितीचे राज्य कार्यकारणी सदस्य सम्राट हटकर, यांनी शिवाजी डोईफोडे पोलीस निरीक्षक बिलोली यांची भेट घेऊन तपशीलवार चर्चा केली. त्यांच्या मार्गदर्शनाखाली स्टिंग ऑपरेशनची योजना आखण्यात आली. त्या योजनेनुसार ४ फेब्रुवारी ला सापळा रचून तोफिक बाबाचा भांडाफोड केला आणि जादूटोणा विरोधी कायद्यानुसार गुन्हा दाखल करण्यात आला.
या प्रकरणांमध्ये पोलीस उपनिरीक्षक सय्यद एम. झेड, पोलीस उपनिरीक्षक रूपाली कांबळे, पोलीस कॉन्स्टेबल शिंदे जी. बी. ,भारत फंताडे, कोरनोळे बी. एस. आधी पोलीस कर्मचाऱ्यांचा सहभाग होता. तसेच या मोहिमेत अंनिसचे बिलोलीचे कार्याध्यक्ष फारुक शेख, बालाजी एलगंद्रे, मोहन जाधव, सायलू कारमोड यांची मदत झाली.