Chandrapur Live: बल्लारपूर परिसरातील गौरी 1 ओपन कास्ट माईनमध्ये मोठा अपघात झाला आहे. गौरी कॉलरीच्या आर.सी. ऑफिस मध्ये सकाळी 9 वाजताच्या सुमारास डंपर घुसल्याने 4 कामगार गंभीर जखमी झाले आहेत.
सूत्रांनी दिलेल्या माहितीनुसार, डंपर मेंटेनन्स नंतर त्याला आर.सी जवळ डंपर यार्डमध्ये उभे केले जाते. शामराव मूसडे ई. पी फिटर हे डंपर मेंटेनन्स नंतर त्याला उभे करण्यासाठी डंपर यार्डमध्ये गेले असता त्यावेळी अचानक डंपर ओवर रेस झाल्याच्या कारणांमुळे आर.सी ऑफिसची भींत तोडून आत घुसला.
यामुळे ऑफिसमध्ये असलेले 5 लोकं गंभीररीत्या जखमी झाले, त्यांना उपचारासाठी बल्लारपूर क्षेत्रीय रुग्णालयात उपचारासाठी नेण्यात आले आहे. के. प्रसाद अंडर मॅनेजर यांना चंद्रपूरच्या कुबेर हॉस्पिटलमध्ये रेफर करण्यात आले.
जे.पी.महत्तो मायनिंग सरदार यांना उपचारासाठी नागपूर हॉस्पिटलमध्ये पाठविण्यात आले व बाकी 2 कामगार प्रभाकर चनन्ने लिपिक आणि श्री. साखरे अंडर मॅनेजर यांचा उपचार क्षेत्रीय रुग्णालयात बल्लारपूर मध्ये चालू आहे.
